Kejk tat-Tuffieħ u l-Banana

INGREDJENTI:

2 tuffiħiet, bin-nofs imneħħi, imqaxxra u mqatta’

2 bananiet isslajsjati

3 kikkri dqiq, Lamb Brand self-raising mgħarbul

Pakkett ta’ 200g Lamb Brand mixed fruit

3 imgħaref vermut, jew sherry, jew meraq tal-larinġ

2 bajdiet sħaħ jew 3 abjad tal-bajd imħabbta

100g ġewż imqatta’

Nofs kikkra (125ml) żejt veġetali tal-qamħirrun

Niskata kannella

Essenza tal-vanilla

METODU:

Xarrab il-frott imħallat fil-vermut u ħalli lejl jew tal-inqas għal siegħa f’bieqja kbira.

Idlek il-qiegħ u l-ġnub ta’ landa tal-kejkijet ta’ 20ċm jew loaf tin.

Saħħan il-forn minn qabel għal 350ºF / 180ºC – Gas Mark 4.

Żid it-tuffieħ, l-banana, il-ġewż imqatta’, l-essenza tal-vanilla u l-kannella mal-frott imxarrab u ħawwad sewwa.

Żid iż-żejt u l-bajd imħabbat. Ħawwad.

Daħħal id-dqiq b’imgħarfa tal-metall sakemm kollox jitħallat sewwa.

Ferra’ fil-landa u llixxa l-wiċċ.

Jekk trid tista tqiegħed xi ftit lewż mqaxxar fuq il-wiċċ.

Sajjar għal bejn 30 u 40 minuta jew sakemm isir dehbi. Ara li meta ddaħħal skewer fin-nofs, joħroġ nadif.

Ħallih jiksaħ fil-landa.

Poġġi fuq wire rack sakemm jiksaħ kompletament.